CB Breogán

Non puido o Ribeira Sacra rematar a faena nun Pazo espectacular totalmente cheo e que por vez primeira en anos pendurou o cartel de «non hai billetes». Nun novo encontro moi igualado entre dous equipazos dando un espectáculo pleno de esforzo e baloncesto ao límite,o equipo celeste non puido brindarlle o ansiado ascenso ao seus (69-73). Pero o martes aínda queda unha oportunidade. Unha verdadeira final na que o equipo celeste non estará so. Haberá Marea Celeste.