O Cafés Candelas Breogán e o Club Xuventude Baloncesto Cambados chegaron a un acordo de traspaso temporal de dereitos federativos do xogador Adrián Chapela para a tempada 2015/16. As negociacións para a cesión do xogador leváronse a cabo dende mediados do mes pasado, e finalizaron esta semana coa sinatura dos documentos entre clubes.
O xogador desprazarase nas vindeiras horas a Cambados para formalizar a cesión tras superar as probas de recoñecemento médico preceptivas.
Adrián Chapela disputou unha media de 12 minutos en 31 partidos co CB Breogán na pasada tempada e chega a Cambados para seguir a súa porgresión como xogador na categoría LEB Plata nun club galego con aspiracións onde traballará ás ordes dun adestrador con ampla experiencia tanto nacional coma internacional como é Miguel Ángel Hoyo.
Dende o CB Breogán desexamos o mellor a Adrián Chapela nesta nova etapa que será clave no desenvolvemento da súa carreira profesional.
