Os resultados das diversas probas médicas ás que foi sometido o capitán do Cafés Candelas Breogán confirman que o xogador sofre unha rotura do recto anterior do cuadríceps da perna esquerda derivado dunha contusión tras un golpe no encontro de Burgos. Dani López, que xa non puido participar na pasada xornada ante Castelló, permanecerá de baixa por un prazo mínimo aproximado de tres semanas dependendo da súa evolución. O xogador está a recibir tratamento de fisioterapia para acurtar os prazos para o seu regreso na medida do posible.
A mala sorte estase a cebar co equipo. Esta lesión súmase a outras sufridas esta tempada derivadas de traumatismos, como foron os casos de Matulionis (cuádriceps), Nelson (neumotórax), ou Howard (fractura).