Xogadores, técnicos e empregados do CB Breogán acompañado por membros do consello de administración acudiron o mércores pola tarde á praza de San Marcos de Lugo onde foron recibidos polos representantes dos diferentes grupos políticos provinciais e recibiron unha insignia da institución en recoñecemento ao traballo da tempada.
Tralo sinxelo acto público no que falaron o presidente Antonio Veiga, o conselleiro delegado Alberte Fernández e o adestrador Lisardo Gómez, o equipo saudou e agradeceu o apoio aos centos de afeccionados que asistiron para despedir a tempada dunha das maneiras que este equipo soubo facer durante o ano: estando preto da súa afección.
Fotos, autógrafos a nenos e maiores e moitas palabras de ánimo encheron a praza de San Marcos onde todos coincidiron que, aínda sen premio final, a tempada quedará na lembranza.
Máis tarde o equipo reuniuse para celebrar unha cea de despedida.
Agradecemos unha vez máis aos afeccionados tódalas mostras de agarimo,o ao equipo que foron moitas, dende moitos lugares, e por moitos medios.