Dous adestradores de Lugo á fronte de dous dos equipos máis representativos da cidade. Este é o momento que está a vivir o deporte en Lugo. Quique Fraga e José Durán dirixen a Cafés Candelas Breogán e CD Lugo. Eles citan, cos seus equipos, no Pazo e no Anxo Carro, a milleiros de lucenses que viven un soño permanente, e dirixen aos equipos que levan no cozarón.
Fraga e Durán charlaron sobre o seu momento deportivo e persoal no Pazo nunha visita que realizou o adestrador do equipo de fútbol ao Pazo. Desexáronse sorte e amosaron a complicidade que so dúas persoas que teñen entre mans algo especial, poden sentir. A responsabilidade, o traballo e ilusión leváronos a onde se atopan. Eles, loitarán por que Lugo siga a ser un referente no deporte.
Seguro que moi pronto teremos cousas que celebrar, tanto os afeccionados do CD Lugo como os do Breogán ou os afeccionados comúns, que son moitos. Seguro que pronto Quique Fraga visitará a Durán no Anxo Carro, ogallá con motivo dunha grande celebración.
Somos moi de Lugo. Sorte!
