O equipo celeste e o ala-pívot de 2,04 m. e 23 anos chegaron a un acordo para que o xogador defenda as cores do Breogán na campaña 2015/2016. Ucles xogou na parte final da pasada campaña no CB Valladolid (LEB Oro) equipo ao chegou dende o Iraurgui de LEB Plata. O salto de categoría axústase á clara progresión que está a experimentar o xogador. No Valladolid xogou oito partidos e asinou 5,3 puntos e 5 rebotes de media.
Fede Ucles é un xogador con bo físico e capacidade de defensa e rebote, destacando a súa capacidade de rebote ofensivo. O novo xogador cleste é un ala-pívot moi activo e que non elude o contacto físico na cancha. Ucles mellorou substancialmente o seu tiro de media e longa distancia polo que gañou en versatilidade nas últimas campañas.
Coa chegada de Ucles o Cafés Candelas da un paso máis para pechar o plantel da tempada 2015/2016.
