O CB Breogán e a Asociación Breoganista Nove Ondas unen forzas por unha boa causa. O breoganismo vai máis alá do baloncesto e quere axudar aos refuxiados sirios que malviven nos campamentos nos que se atopan nunha situación de emerxencia.
Por elo nos dous vindeiros encontros a disputar na casa poderedes colaborar mercando participacións para o sorteo dos seguintes agasallos:
- Camisola asinada polo equipo
- Balón asinado polo equipo
- Tres bonecos do Breogán.
Ditas participacións serán vendidas nas portas de acceso ao Pazo por membros da Asociación. Terán un custo de 1 € cada unha.
Todo o diñeiro recadado irá destinado á Asociación Internacional Alhambra e a SOS Refugiados, organizacións que se comprometen a investir o 100% do recadado sobre o terreo.
O sorteo celebrarase o domingo e os resultados estarán dispoñibles para consulta en noveondas.org e cbbreogan.com.
No caso de non poder recoller o premio no Pazo e querer que se envíe por mensaxería deberase solicitar na dirección de correo electrónico noveondas@gmail.com