O equipo celeste foi de menos a máis ante o Ourense Provincia Termal e rematou vencendo con claridade ante a súa afección. Tras unha primeira parte dominada polo equipo visitante baixo a batuta dun gran Pedro Rivero, os celestes subiron a intensidade e apoiáronse na defensa para superar ao rival con claridade en dous cuartos definitivos nos que foron superiores. ESTATÍSTICA
Pep Ortega con 17 puntos, 9 rebotes, 3 asistencias, foi o xogador máis valorado do encontro (29 val.). Matulionis aportou 18 puntos con 5 de 6 en triplas completou un gran partido e Devin Wright, con 13 puntos e 7 rebotes foi outro dos homes fundamentais do equipo para lograr o trunfo.