O equipo celeste xa se prepara na cidade que acolle a Copa Príncipe 2015. O equipo espera aos seus siareiros que,seguro,deixaranse oír no Marta Domínguez.
O equipo viaxou a Palencia a tarde do xoves tras un adestramento matinal en Lugo. Algo máis de catro horas de estrada na que os xogadores e técnicos aproveitaron para ler, ver alguna película ou partido nos seus ordenadores e tablets, xogar ás cartas, charlar, e mesmo traballar no caso dos técnicos.
A viaxe desenvolveuse con normalidade a pesar das adversidade meteorolóxica: non cesou de chover en todo o traxecto, nalgún intre con forza.
Tras chegar ao hotel e acomodarse nas habitacións os xogadores e corpo técnico cearon no reataurante do mesmo hotel, onde recibiron a visita dunha fotógrafo da prensa local de Palencia, -que está a realizar un importante seguimento do evento da Copa Príncipe 2015-.
No mesmo hotel, o Breo coincidiu tamén con persoal de Federación e de televisión, co que puideron charlar e comprobar que xa teñen todo preparado no Marta Dominguez para o desenvolvemento dunha final atractiva como a de este venres (21:15horas en TeleDeporte).
A asistencia de máis dun cento de seareiros un venres a un partido que esixe horas de estrada, é un tema moi presente, valorado e comentado polas persoas coas que piuidemos falar. Espérase un pavillón completamente cheo e unha zona do mesmo dando colorido celeste á final.
Xa de regreso ás habitacións, turno para que a fisio do equipo, Belén Díaz, continúe coa súa importante labor de recuperación cos lesionados. Busca acurtas os prazos.Padiola na habitación e desfile de xogadores: Chapela, Llorca, Sergio, Dani… e noutra habitación,bañeira chea de auga con xeo,onde algún sufre cos baños fríos que axudan á recuperación.
O equipo ocupa practicamente un andar do hotel, polo que as habitacións permanecen case todo o tempo abertas e os xogadores comparten charla, algún xogo, falan coas familias por teléfono, etc.
Non falta a atención telefónica á prensa. Programas de radio nocturnos e xornais entrevistan a xogadores e adestrador.
A maioría dos membros do equipo contarán con familiares no Marta Dominguez. Algúns deles viaxarán no autobús dos seareiros que sae este venres ás 15:45 horas do Pazo directo a Palencia para apoiar ao equipo.
Antes de marchar a descansar, o delegado, Fran de Andrés, informa a todos os membros do equipo dos horarios previstos para erguerse, almorzar, e saída do bus cara o Marta Dominguez para unha sesión de tiro pola mañá. Tamén haberá vídeo e charla antes da grande cita.
