O xogador do Cafés Candelas sofre unha rotura parcial do músculo vasto intermedio do cuadríceps da perna dereita que o manterá lonxe das canchas, sempre dependendo a evolución, por un prazo de entre tres e catro semanas. O xogador, que non viaxará a Palencia, xa traballa coa fisioterapeuta e o preparador físico do club para acelerar a súa recuperación.
Ademais da baixa de Matulionis, o equipo sufriu unha semana precaria en canto ao estado físico de varios dos seus membros. Travis Nelson non completou parte das sesións xa que se recupera dunha luxación nun dedo e Rakocevic e Howard pasaron por procesos gripais. Aínda así só será Matulionis o que non suba ao autocar do equipo a Palencia.