O equipo celeste chegou a un acordo para que o ala-pívot de 2,01 e 31 anos Josep Ortega Rubio “Pep” se incorpore ao conxunto lucense. Pep Ortega é un xogador con ampla experiencia que destaca pola súa versatilidade e variedade de recursos dende a súa posición de ala-pívot.
Xogador de raza, grande reboteador tanto en ataque como en defensa, Pep Ortega xoga con facilidade tanto no poste baixo como encarando ao seu par e dispón dun bo tiro, incluso dende longa distancia.
A nivel defensivo é un xogador moi activo e agresivo, sendo quen de defender a xogadores de diferentes posicións.
O xogador chega a Lugo tras finalizar o seu paso pola liga francesa onde tivo un contrato temporal co Aix-Maurienne Savoie Basket.
