Preparábanse Dani López e Lisardo Gómez a baixar dende as oficinas do Pazo cara a sala de prensa cando se toparon con Noa e a súa familia. A nai da nena contou ao xogador e o adestrador cómo a familia cambiou os seus plans de facer unha pequena viaxe na ponte deste día un de maio. ¿O motivo? Noa e o seu pequeno irmán Mikel, decatáronse de que xoga o Breo no Pazo. AUDIO DANILO
Noa non ten mais de sete anos pero é unha breoganista incondicional e xa arrastra no seu sentimento ao seu irmán menor Mikel, e entre os dous, convenceron aos país para quedar en Lugo e animar ao seu equipo o venres.
A anécdota contábaa Dani López en sala de prensa (audio), e é unha pequena mostra de que o Breo ten algo especial, e de que o breoganismo que medra nos corazóns dos miúdos fai medrar a Marea Celeste. Pequenas historias como a de Noa sumarán para que o Breo nunca camiñe so. Grazas!!