Quique Fraga continuará como adestrador axudante no Cafés Candelas Breogán
O Consello de Administración comunicou ao técnico a decisión de contar con él como peza clave no equipo técnico, segundo o contrato que mantén coa entidade, como axudante na tempada 2016/2017. Quique Fraga, que xa foi adestrador asistente nas últimas tempadas con Lisardo Gómez, a quen substituíu como adestrador xefe á fronte do equipo no tramo final da pasada campaña, continuará así sendo un dos homes importantes no corpo técnico celeste de cara ao novo curso.
O técnico amosou a súa satisfacción: «Como persoa da casa é unha honra ter a oportunidade de seguir aportando o meu grao de area traballando no Breo. Espero poder axudar a que o equipo dea o máximo nun ano no que todos temos que remar na mesma dirección e estar á altura do que o club e a afección merecen».