CB Breogán

A liga Endesa e Movistar+ establecen novos horarios e definen os partidos da primeira volta

A liga Endesa reorganiza xunto a Movistar+ os seus horarios para a tempada 2018-19, establecendo cinco franxas de partidos cada fin de semana: os Sábados xogarase ás 18:15 e ás 20:30, e os Domingos ás 12:30/13:00, ás 17:00 e o Partidazo ás 19:15 h. Ademais, por primeira vez, a ACB e Movistar+ definiron desde o inicio os horarios da primeira volta, permitindo aos afeccionados e aos propios clubs organizar os seus desprazamentos con meses de antelación.

A ACB e Movistar+ estableceron novos horarios para os partidos da inminente tempada 2018-19 da liga Endesa. Así, as tres franxas existentes nas últimas dúas campañas amplíanse a cinco horarios de xogo que englobarán cada fin de semana os nove partidos da competición.

A acción comezará cada fin de semana os Sábados ás 18:15 h co primeiro ‘ Partidazo’ da xornada, e seguirá nunha segunda quenda ás 20:30 h.

O Domingo pola mañá seguirá sendo protagonista con partidos na franxa matinal. Na súa maioría, devanditos encontros comezarán ás 12:30 h, aínda que aqueles disputados nas Illas Canarias farano media hora máis tarde (13:00, hora peninsular; 12:00, hora local).

O Domingo pola tarde terá dúas franxas para gozar do mellor espectáculo de forma continuada: a primeira sesión será ás 17:00 h, continuando cun horario reforzado para o ‘ Partidazo’ de cada xornada en #Vamos, todos os Domingos ás 19:15 h.

 

Horarios das xornadas de fin de semana

 

Sábados

18:15 h Partidazo en Movistar Deportes

20:30 h

 

Domingos

12:30/13:00 h

17:00 h

19:15 h Partidazo en #Vamos