Ademais dun gran partido, o Pazo será de novo un punto de encontro para as emocións
Paga a pena estar na cita desta tarde por múltiples motivos. Por suposto o partidazo do Cafés Candelas ante un dos equipos máis en forma da categoria,: o Palma Air Europa de Fornás, Úriz, Biviá en compaña.
Trofeo Julio Vila
Antes da presentación de equipos, o xogador elixido polas peñas breoganistas e a afección, recibirá o recoñecemento da terceira edición dun trofeo que xa gañaron no seu momento Osvaldas Matulionis e Pep Ortega. Ademais de representación das peñas, estará o fillo do lembrado Julio Vila.
Pechemos UNICEF
O partido dedícase difundir a vital labor de UNICEF pola infancia. Haberá unha mesa informativa para captar socios e colaboradores e nalgún momento do partido pediremso a colaboración, sempre solidaria, da grada. Un SMS masívo do Pazo podería salvar miles de vidas co simple xesto de sacar o movil do peto, enviar UNICEF ao 28028 e donar 1,20€.
Canastra Star Center
Un afortunado poderá porbar puntería entre o 1º e 2º cuarto. Tres canastras en 24 segundos que valen unha TV do colaborador Star Center Electrodomésticos.
Homenaxe polos #50anosdeBreo
María José Castro «Sesé», traballadora das oficinas do club nada menos que dende 1982, recibirá o recoñecemento por toda unha vida dedicada ao seu club. Sesé representa a tódolos traballadores que durante os 50 anos de percorrido do Breo, dedicaron parte das súas vidas para traballar por algo que é moito máis que un club.
Gravitty poñerá o ritmo no descanso
Trala homenaxe, un amplo grupo de rapaces da escolad e danza e espectáculos Gravitty, fará bailar ao Pazo dende a pìsta.
Camiseta e cea co equipo
Dende unha hora antes do partido en zonas de acceso venderanse as rifas para gañar unha cea co equipo ou unha camiseta do 50 aniversario. Por 1€, opcións de levar un premio inesquecible.
Visitas especiais na grada
Hoxe acudirán ao partido grupos de escolares e equipos de base de Sarria, Melide, Taboada, Becerreá, Arzúa, Paradela…