O Cafés Candeas compartiu pista cun centenar de nenos e nenas no Pazo
Tralo adestramento matinal do martes o equipo lucense recibiu a visita da mascota breoganista Máximus que traía consigo a un grupo de case un cento de nenos e nenas que participan no campamento do Club Estudantes Lugo.
A ilusión do equipo pola nova etapa de ACB e a dos nenos e nenas por compartir pista e charlar cos xigantes que vestirán de celeste, converteu o tramo final dunha dura mañá de traballo nun momento agradable cheo de risas, bromas e agasallos, xa que cada neno portaba un debuxo dedicado para os xogadores que recibiron cun amplo sorriso. Tamén houbo unha camiseta do campamento para cada xogador, e autógrafos, fotos, preguntas…
O capitán Salva Arco exerceu de mestre de cerimonias e presentou un aos compañeiros de equipo que recibiron o apluso dos máis novos.
O baloncesto desde calquera punto de vista, posúe unha capacidade de ilusionar a todos independentemente da idade ou o papel que se xogue na pista ou na bancada.
Vémonos nas canchas de Liga Endesa!
Un bo xeito de rematar unha dura mañá de traballo é recibir a visita dos máis novos do Campamento #MóveteconNós con Máximus e facer equipo! #forzabreo ! pic.twitter.com/D2At1IuikY
— Breogán (@CBBreogan) August 28, 2018
Publicada por CLUB BALONCESTO BREOGAN SAD en Martes, 28 de agosto de 2018