Os celestes tiveron o balón para ganar pero sen fortuna final
O Almansa levou a vitoria do Pazo crendo no seu traballo a pesar de que o Leite Río Breogán chegou a alcanzar unha vantaxe de 14 puntos no cuarto inicial,. Pero o Afanion tivo confianza no seu traballo e o acerto necesario para levar unha vitoria do Pazo. Os manchegos venceron tres dos catro parciais e con boas porcentaxes no lanzamento e aproveitando os numerosos tiros libres (22/27, por 7/11 do Breo), chegaron aos instantes finais por diante no electrónico. O Leite Río tivo un balón a falta de 10 segundos para tratar de vencer in extremis pero os celestes non atoparon a fortuna.
Dago Peña con 22 puntos, e Powell con 18 foron os máximos anotadores celestes.
O Leite Río volve a xogar como local o sábado 18 ante o TAU Castelló, partido co que dará comezo a segunda volta da competición.