Hoxe venres ás 21:00 horas no Palau d´esports de Inca, terceira batalla da serie de cuartos de final
O Cafés Candelas buscará a vantaxe na eliminatoria ante un rival duro e complicado como está demostrando ser o Palma Air Europa. Frear aos seus excelentes anotadores e mandar no rimo de xogo parecen obxectivos claros para encarar os dous partidos que veñen por diante (venres 21:00 horas en Inca e domingo 18:30 horas en Palma).
O equipo celeste contará con Pep Ortega trala tramitación da licenza pola baixa de longa duración de Fakuade, e Rafa Huertas probará ata o último momento para confirmar a súa presenza debido á lesión ocular da que se recupera.
O partido poderase seguir por Canal Feb e por esta web no apartado “Retransmisiones”. Na illa estarán Radio Lugo Cadena Ser que emitirá o partido íntegro en directo pola súa App, polo 93.7 FM ou por 1.287 OM e na súa web
O equipo non estará so, como é habitual, e un pequeno grupo de seareiros celestes confirmaron a súa presenza nos partidos de venres e domingo.
As taquillas en Inca abrirán ás 19:00 horas e as entradas terán un prezo de 15€.