O montenegrino continuará pertencendo ao Leite Río Breogán e xogando cedido no Ucoga Seguros Chantada de EBA en virtude do acordo de colaboración entre os dous clubes
Djordjije Marinovic será un habitual nos adestramentos de Diego Epifanio. O montenegrino de 19 anos e 2,03m., internacional en tódalas categorías de formación no seu país, foi un xogador importante no tramo final da pasada tempada no CB Chantada, club co que o CB Breogán mantén un acordo de colaboración que inclúe a cesión. O xogador chegaba avanzado o curso deportivo procedente do Mataró (EBA) e asinou ás ordes de Alberto Fafián co Ucoga Seguros Chantada , 10,1 puntos e 4,4 rebotes nos sete partidos que disputou, demostrando a súa constante progresión.