O Leite Río Breogán faise cos servizos do internacional montenegrino de 18 anos e 2,03m. que xogará cedido no CB Chantada (EBA)
O ala- pivot montenegrino Djordjije Marinovic procede o Mataró Parc Boet (EBA) onde promedia no presente curso 8,9 puntos e 5,2 rebotes.
Internacional en todas categorías de formación con Montenegro, participou coa súa selección no FIBA World Basket de 2018 co combinado U17 onde promediou 6,3 puntos e 6,6 rebotes.
Marinovic é un xogador en franca progresión que vive a súa primeira etapa en España e que xogará en categoría EBA co Ucoga Seguros CB Chantada que adestra Alberto Fafián, baixo o seguimento dos técnicos do CB Breogán.
Está previsto que o xogador poida participar en sesións de adestramento do Leite Río Breogán dirixidas por Diego Epifanio.