Elijah Brown ve a súa chegada ao Breo como unha oportunidade para medrar
O xogador amosouse ilusionado ante o reto celeste
O Novo xogador celeste compareceu acompañado polo adestrador axudante Javier Muñoz. Brown destacou a “química” atopada no seu novo club e a acollida desde o primeiro instante que lle brindaron tanto os compañeiros como o resto dos membros do club, o que está a facer a súa adaptación moito máis sinxela.
Describiuse como un xogador con grande potencial e disposto a traballar duro polo equipo e a súa chegada a Lugo considéraa como unha grande oportunidade para alcanzar a mellor versión que pode dar como xogador.
Brown non puido disimular un sorriso cando lle preguntaron polo ambiente do Pazo que xa puido comprobar no último partido na casa: «Transmiten moita enerxía. Foi moi emocionante ver o seu apoio. Temos que traballar duro para facer felices aos nosos afeccionados».
