Acordo co Fuenlabrada para cesión do interior, outro dos heroes do ascenso celeste
O Cafés Candelas Breogán contará unha tempada máis co pivote Emir Sulejmanovic (23 anos, 2,05m.) tras chegar a un acordo co Montakit Fuenlabrada para que o xogador recale cedido unha temporada máis en Lugo, tras disputar toda a campaña do ascenso co equipo lucense antes de rematar a pasada tempada en ACB co equipo madrileño.
Sulejmanovic (Bosnio con pasaporte finlandés) xogou 26 partidos coa camisola celeste na tempada 2017/2018, sendo unha peza importante na consecución da primeira praza e o ascenso e aportando unha media de 11,4 puntos e 6,7 rebotes.
A contribución e o traballo de “Sule” na pista e fora dela convertérono nun dos xogadores referentes da afección breoganista, que terá a oportunidade de velo de novo defendendo as cores do seu equipo na máxima categoría do baloncesto nacional.