O equipo lucense xoga este martes en Sarria o seu primeiro partido de pretemporada coa nova imaxe
O Cafés Candelas Breogán renova o seu equipamento celeste para o novo curso 2018/2019. A marca cervexeira Estrela Galicia levará a imaxe frontal da camiseta que mantén a súa clásica cor azul celeste e nun segundo equipamento que recupera o negro.
Hummel é a marca que viste ao equipo por segunda tempada consecutiva, e no deseño, ademais dos logotipos de CB Breogán e Liga Endesa, aparecen as principais marcas patrocinadoras: Estrella Galicia no frontal da camiseta, Cafés Candelas na traseira da camiseta e frontal do pantalón, a imaxe de «Lugo Cambia» -lema de promoción turística da Provincia de Lugo- na parte posterior da camiseta, e ABANCA na traseira do pantalón.
Sobre o nome de cada un dos xogadores nas costas da equipación, mantense a bandeira de Galicia que o club loce tradicionalmente.
Este martes 4 de setembro ás 20:00 horas na localidade lucense de Sarria, o Cafés Candeas Breogán xogará o seu primeiro partido de pretemporada ante o equipo arxentino Obras Sanitarias e onde se poderá ver en acción, por primeira vez, ao equipo celeste coa súa nova imaxe.
