Ricardo Úriz: Calidade e experiencia para a dirección do Cafés Candelas
O base chega ao Breogán procedente do Guipuzcoa Basket, equipo co que acadou o ascenso a ACB
O Cafés Candelas contará co experimentado base de 1,89 m. Ricardo Úriz (Pamplona, 30 de xullo de 1980).
Úriz é un xogador que coñece a fondo tanto a LEB Oro como a ACB, e conta cun amplo historial que inclúe ascenso a ACB, a pasada campaña, sendo un dos artífices do retorno á máxima categoría do Guipúzcoa Basket.
Úriz, irmán do tamén base LEB Mikel Úriz, participou en tódolos partidos da pasada tempada dirixindo o xogo do Guipúzcoa.
O Base promediou, nos 34 partidos de liga regular, 10,3 puntos, 4,8 asistencias, 2,6 rebotes en 26,17 minutos sobre o parqué.
Chega ao Cafés Candelas un dos mellores bases da categoría. Benvido!