O luns 26 a partir das 11:30 horas na Sala de Exposicións da Deputación de Lugo
O CB Breogán, co patrocinio da Deputación de Lugo, leva adiante un amplo programa de colaboración con diversas entidades benéficas, asociación de carácter social e outros colectivos de interese público. O club busca establecer unha “rede” de traballo na que tódalas partes teñan o seu protagonismo e unha maior visibilidade social.
O luns 26, unha ampla representación deses colectivos pasarán pola Sala de Exposicións da Deputación Provincial (Pazo deSan Marcos) onde, coa colaboración da Rede Museística Provincial, permanece aberta a exposición «50 anos de Breogán». Os asistentes realizarán un percorrido pola mostra e asistirán a unha charla proposta por Encarna Lago, Xerente da rede Museística, co título «As Redes como xeradoras de cambio social».
Trátese dunha cita para a posta en común dos valores que identifican ao traballo a favor da sociedade que desenvolven tódalas partes implicadas, e para o recoñecemento da imprescindible labor que exercen cada unha delas.