CB Breogán

Visita moi especial a que recibimos por parte dun grupo de alumnos do centro lucense María Auxiliadora. Os escolares visitaron a instalación, compareceron a sala de prensa, vestiarios e, por suposto, a pista central do Pazo, onde compartiron uns minutos con xogadores e corpo técnico.

Houbo tempo para preguntas, fotos e algún autógrafo, ademais de xogos na pista, nun inchable e moitas fotos comparecendo en sala de prensa como fan semanalmente os profesionais.

Agradecemos aos profesores (entre os que se atopan o que fora durante varias tempadas preparador físico do Breo José Manuel Lombao)  e alumnos a visita e agardamos contar con eles na grada do Pazo nos próximos partidos.

A actividade enmárcase no contrato de patrocinio coa Deputación de Lugo mediante o cal o Breogán impulsa iniciativas relacionadas con proxectos educativos e sociais.