FUNDACIÓN BALOGAL

03/01/2010

Éxito do "II Foro de Adestradores Galego"

Haz click sobre la imagen para ampliarla

Por segundo ano consecutivo, a Federación Galega de Baloncesto, coa colaboración da Fundación BALOGAL, levou a cabo o segundo Foro de debate de adestradores galegos nas instalacións do colexio de Rosalía, en Santiago de Compostela.

Nesta segunda edición contouse coa presenza de mais de 50 adestradores chegados dende todos os puntos da xeografía galega, os cales, na mañá do domingo asistiron, en primeiro lugar á charla impartida por parte de Carlos Colinas, Director Técnico del Celta Indepo de Liga Femenina, o cal baseou o seu relatorio en como atacar en situacións de 4 x 4 con pases en diagonal, despois desta, os asistentes puideron presenciar o intenso encontro entre o Xacobeo Blue:sens e o DKV, o cal se saldou con vitoria para o conxunto dirixido por Curro Segura.
Ao remate da comida, celebrada nun céntrico restaurante Santiagués, o Director Técnico da Fundación BALOGAL e o Club Estudantes Lugo, Cristino Menor, exerceu de moderador no debate proposto por el mesmo, sobre diferentes puntos, os cales inquietan aos técnicos galegos, á Federación Galega e ao Presidente desta, Francisco Martín, o cal, realizou unha serie de preguntas para coñecer a opinión dos alí presentes e así poder coñecer, el mesmo, de primeira man, as devanditas inquietudes e tamén poder facerllas chegar á Federación Española.
Ao remate do Foro, e para poñer punto e final á intensa xornada, o técnico, Moncho Fernández, realizou un relatorio sobre o ataque no 1 vs 1 ofensivo dende distintas zonas do campo e como dende ese 1vs 1 poder enlazar outros movementos do resto de xogadores sen balón na cancha, cunha estrutura de tres xogadores exteriores e dous interiores.