Hospital POLUSA renova como responsable dos servizos médicos do CB Breogán
Un ano máis o centro médico lucense encargarase dunha das facetas crave no traballo do equipo Durante os últimos anos
Hospital POLUSA foi un respaldo moi importante para que o Breogán conseguise os obxectivos deportivos que levaron ao equipo para xogar en Liga Endesa. Por iso, unha tempada máis, o club e o centro médico renovan o acordo para seguir formando equipo nunha tempada histórica no regreso á elite.
O acordo asinouse nas instalacións de Hospital POLUSA co Director Xerente de POLUSA, Justo Jorge e o conselleiro do Club Baloncesto Breogán, Luís Franco, como representantes das dúas partes.
Luís Franco agradeceu a Hospital POLUSA a súa implicación e a súa colaboración co club e, como comentou «fágoo coñecendo a implicación de todo o persoal do centro co seu traballo a todos os niveis e en todos os departamentos», facendo referencia á súa profesión como médico especialista que traballa tamén no centro.
Pola súa banda, Justo Jorge manifestou o seu orgullo por poder colaborar co Breogán no seu regreso á elite: «Na nosa vocación de colaborar coa sociedade lucense é un privilexio facelo con clubs como o Breogán ao que lle desexamos os maiores éxitos» dixo.
Hospital POLUSA encargouse de realizar os recoñecementos médicos do persoal e presta un servizo permanentemente durante toda a tempada. Ademais, o centro realiza a achega de material para o tratamento e a prevención diaria, sempre en coordinación cos fisioterapeutas do club.