Trátase dun ala-pívot de 2,06 m. e 29 anos con experiencia en Liga Endesa
O Río Breogán chegou a un acordo para a incorporación do interior serbio Marko Lukovic. O xogador procede do KK Split croata onde promediou 13,4 puntos e 4,3 rebotes en 34 partidos na liga croata e 14,6 puntos e 4,7 rebotes en 26 encontros en Liga Adriática.
Lukovic debutou como profesional no seu país en 2009 no Mega Vizura onde permaneceu ata 2014. Pasou polas primeiras ligas de Alemaña, Macedonia, Eslovenia e Francia, e conta con experiencia en Liga Endesa, formando parte do UCAM Murcia na tempada 2017/18, e cunha breve etapa en BAXI Manresa na tempada 2018/19.
Marko Lukovic foi internacional en todas as categorías con Serbia, incluíndo a súa recente participación na fase de de clasificación para o Eurobasket 2022 coa selección absoluta.
Lukovic é un catro móbil, rápido, con capacidade para xogar de fora a dentro e preto do aro, e con boas porcentaxes no tiro exterior, un 40% en triplas a pasada tempada, o que lle converte nun xogador moi versátil.