O Cafés Candelas visitou a área de pediatría do Hospital Universitario Lucus Augusti
Os xogadores Sergi Quintela, Rafa Huertas, Iván Cruz e o técnico Quique Fraga pasaron pola planta onde se atopan ingresados os nenos e nenas de pediatría. Alí pasaron parte dunha mañá onde saudaron e animaron a pais e pequenos, deixaron un pequeno agasallo e acadaron debuxar un sorriso nas facianas de nenos e familiares. Tamén saudaron ao persoal con quen tiveron oportunidade de charlar uns minutos.
O equipo xa realizou a súa tradicional visita esta tempada en datas de Nadal, pero quixo repetir pensando naqueles nenos que, por causas diversas, non poderán gozar das vacacións de Semana Santa, desexáronlles unha pronta recuperación entregándolle cadanseu pequeno balón de baloncesto e encargándolles estrealo cando chegue unha máis que segura e pronta recuperación.
Grazas ao persoal do HULA polo recibimento e polo seu traballo. Fan un grandísimo equipo!
Publicado por CLUB BALONCESTO BREOGAN SAD en Miércoles, 12 de abril de 2017