O Breogán colaborou nun taller de inclusión sociolaboral con Cruz Vermella e Deputación de Lugo
A pista do Pazo foi escenario este luns dun taller para axudar a persoas que procuran emprego a derribar condicionantes de desigualdade
Chegar dun país estranxeiro, ser muller de determinada etnia ou ter pasado por circunstancias persoais complicadas en determinadas etapas da vida seguen a ser obstáculos contra os que moitas persoas teñen que loitar para atopar un emprego. Cruz Vermella traballa nun ambicioso programa de integración no que traballa con empresas e persoas en procura de emprego para que atopen o seu lugar no mercado laboral e afastalas do risco de exclusión social.
Moitos deles participan en talleres nos que se fala da motivación, da importancia da marca persoas e a formación, e do traballo en equipo para que as persoas atopen ferramentas de desenvolvemento persoal que os leven a atopar un emprego.
Acompañados pola responsable da área de empresas, Yolanda Hernández, a Deputada de Emprego e Benestar Social, o xerente do Breogán Javier Morandeira, e os xogadores do Cafés candelas Breogán Lucio Redivo, Belemene e Úriz, viron unha serie de vídeos elaborados por Cruz Vermella, falaron da súa experiencia persoal -Redivo e Belemene relacionada con traxectorias que os levaron atraballar lonxe do seu país de orixe- e a convivencia de diferentes culturas e orixes dentro dun vestiario para formar un equipo cun obxectivo común. Os xogadores intercambiaron experiencias coa vintena de usuarios que asistiron ao taller.
Esta actividade súmase ás que o club dedicou durante os últimos días para axudar a dar visibilidade ás liñas de traballo de Cruz Vermella e contan co patrocinio da Deputación de Lugo.
Tres jugadores del @CBBreogan @RicardoUriz6 Romaric Belemene y @LucioRedivo participaron en un taller de #diversidad del #plandeempleo de @CruzRojaEsp Gracias por esta jornada tan provechosa #retosocialempresarial #fondosocialeuropeo pic.twitter.com/CdouemoKWB
— Cruz Vermella (@cruzvermella) November 20, 2018
A colaboración con @cruzvermella extendeuse tamén a Sarria onde o Breo estivo presente aportando, na gala solidaria, camiseta asinada e entradas. Alí estivo tamén o noso preparador físico @Jcapebou facendo equipo! #BreoSolidario #LugoCambia @depulugo @CruzRojaEsp pic.twitter.com/15SWqZVWkO
— Cafés Candelas Breogán (@CBBreogan) November 19, 2018