Gilling, Franch, Cabanas e Quique Fraga visitaron o centro de maiores Abeiro Gold
Recibimento de gala o que ofreceron os usuarios e persoal da residencia para maiores Abeiro Gold. No centro son fieis ás datas de celebración, incluido o entroido, e así llo fixeron saber aos membros do Cafés Candelas.
Na visita charlaron cos maiores, fixeron fotos e compartiron uns minutos moi agradables con todos, incluído por suposto co persoal do centro, entre os que hai moito afeccionado ao Breo, algo que non pasou desapercibido xa que moitos cambiaron o seu uniforme de traballo polo que utilizan habitualmente para animar ao equipo.
Esta actividade encádrase dentro das iniciativas impulsadas polo convenio de patrocinio de Deputación de Lugo.
