O Cafés Candelas atopou sorrisos entre os pequenos ingresados no HULA
O equipo celeste, e Máximus, quixeron estar con eles nunca mañá moi especial
Como unha previa da noite de Reis, os xogadores, técnicos e directivos do Cafés Candelas, acompañados por persoal e dirección do Hospital Universitario Lucus Augusti, fixeron unha visita aos nenos e nenas ingresados no andar de pediatría do centro lucense.
Houbo agasallos para todos, pero sobre todo, momentos moi especiais nos que os xogadores e moi especialmente a mascota breoganista Máximus, arrincaron enormes sorrisos entre os nenos, e os seus familiares, logrando que por uns minutos esqueceran o motivo que os levou a ter que pasar polo centro hospitalario.
Como cada tempada, os asistentes comprobaron o cariño e dedicación que o persoal dispensa a pacientes e familiares, e quixeron tamén dalgún xeito agradecer a súa imprescindible labor, en ocasións desapercibida, pero cun enorme valor.
Dende do CB Breogán desexamos a tódolos pacientes unha pronta recuperación e a todo o persoal o mellor para este novo ano.