Grande recibimento no centro escolar de Nadela
Os nenos e nenas do centro Manuel Mallo Mallo recibiron unha visita moi especial por parte de membros do Cafés Candelas Breogán. Os xogadores Emir Sulejmanovic e Christian Díaz coñeceron o centro e deron resposta a tódalas curiosidades dos alumnos. Moitos deles demostraron ser afeccionados do Breo xa que non se libraron de contar a súa experiencia no club o Director Deportivo, Quique Fraga e Pepe Baamonde, que encarna a Pepe Bazoka de nos descansos dos partidos do Pazo.
Os visitantes coñeceron a mascota do centro «Tintileo» que recibiu aos visitantes vestido para a ocasión coa camisola do Breo.
Unha mañá divertida para todos que rematou con fotos, autógrafos e coa invitación a tódolos alumnos a asistir a un partido do Breo no Pazo.
Desde o CB Breogán agradecemos ao alumnado, profesorado e dirección do centro Manuel Mallo a acollida e recibimento.
Esta actividade encádrase dentro do programa de patrocinio da Deputación Provincial de Lugo co CB Breogán que contempla a difusión dos valores do deporte entre os máis novos.