CB Breogán

Boa imaxe do Cafés Candelas nunha cancha que se lle resiste historicamente. O equipo lucense mantivo a igualdade no electrónico en moitos compases do xogo e mesmo chegou a remonntar cando os blaugranas se escapaban no electrónico. Un exemplo foi o parcial de 0-11 no inicio do terceiro cuarto e o posterior equilibrio no electrónico 54-54 no ecuador do terceiro período.

Pero a enorme calidade blaugrana foi pesando ao paso dos minutos. Cada erro do Cafés Candelas foi castigado polo acerto local e o partido acabou decantándose para os cataláns ante un Breogán que nunca perdeu a cara ao partido.

94 - Barça Lassa (27+23+27+17): Pangos (12), Hanga (24), Oriola (6), Claver (3), Séraphin (4) -cinco inicial-; Tomic (7), Smits (3), Singleton (14), Kuric (11) e Heurtel (10),

80 - Cafés Candelas Breogán (20+18+28+14): Cvetkovic (16), Millsap (11), Lofberg (7), Brown (14), Gerun (7) -cinco inicial-, Sulejmanovic (0), Belemene (0), Christian Díaz (3), Salva Arco (9), Dragicevic (5) e Vidal (8).

Árbitros: García González, Araña e Zamorano.

Incidencias:  3.769 espectadores no Palau.