Álvaro Santos, Deputado de Relacións Institucionais felicitou ao equipo polo éxito da Copa Princesa
O equipo ao completo visitou o Pazo de San Marcos para ofrecer ao goberno provincial o éxito acadado, como parte do compromiso de toda a Provincia de Lugo.
Santos lembrou o compromiso que a deputación de Lugo ten co deporte e co Breogán como fío condutor de valores de traballo en equipo e compromiso, portador do nome de Lugo, da cidade e da Provincia, alá onde compite.
O Presidente Jesús Lázare agradeceu o compromiso que a Deputación de Lugo demostra co deporte e prometeu seguir traballando para que a provincia sinta orgullo do seu referente no deporte da canastra.
Lázare entregou un agasallo simbólico: unha imaxe asinada por tódolos xogadores e técnicos, do momento da celebración do título da Copa Princesa, mérito do que, sen dúbida, a institución provincial é parte importante.
Agradecemos a todo o equipo da Deputación Provincial o seu agarimo e recibimento. Agardamos poder voltar moi pronto para ofrecer máis logros deportivos.
