Os celestes superaron ao FC Barcelona (105-64)
O Cafés Candelas esqueceu os dous tropezos das pasadas xornadas vencendo con claridade ao filial blaugrana. Os visitantes asinaron un bo arranque (0-5) e obrigaron ao equipo de Natxo Lezkano a centrarse e subir a intensidade para remontar no cuarto inicial (20-18).
A partir dese momento o equipo celeste,co apoio do Pazo dominou en tódalas facetas do xogo e foi aumentando a vantaxe con achega de tódolos xogadores do equipo.
Leonardo Demetrio foi o xogador máis valorado do partido cun espectacular 33 de valoración con 20 puntos e 10 rebotes. O brasileiro foi nomeado MVPMacrocopia.
Tamén destacaron os 13 puntos, 5 rebotes e 5 asistencias de Christian Díaz; os 12 puntos de Guille Rubio e Sulejmanovic (este último con 14 rebotes), ou os 10 de Stainbrook e Quintela.
O equipo celeste recupera as boas sensacións nunha xornada na que,ademais, o equipo do outro Uiqntela –Erik-, o Clavijo, superou ao perseguidor dos celestes, o Manresa (73-61).