O equipo celeste adestrou no pavillón Municipal de A Pobra de San Xiao en Láncara
Mañá especial para o Breogán e para douscentos escolares de A Pobra que presenciaron parte do adestramento realizado no polideportivo da localidade lucense.
O equipo deu por iniciada a preparación do encontro do sábado en Oviedo nun escenario diferente, sobre o parqué do polideportivo de Láncara e trala sesión houbo tempo para que os alumnos do colexio público Ramón Piñeiro compartirán pista co equipo, cazaran os autógrafos e as fotos desexadas e probaran o seu lanzamento co balón oficial co que adestra o equipo.
Á visita tamén acudiu o deputado de deportes da Deputación de Lugo, Pablo Rivera, e foron entregadas aos alumnos entradas para asistir ao próximo partido do Cafés Candelas no pazo, grazas ao patrocinio da Deputación Provincial, que potencia as actividades sociais e de promoción do deporte na provincia.
O equipo completou unha sesión de traballo no polideportivo da localidade lucense e compartiu pista con douscentos escolares da zona.
Publicado por CLUB BALONCESTO BREOGAN SAD en Lunes, 13 de febrero de 2017