Tarde de agradecemento polo apoio durante unha intensa tempada
O Pazo acolleu unha sesión moi especial na que o equipo quixo dar as grazas do xeito máis sinxelo e, ao mesmo tempo, máis sincero: estando coa xente.
Centos de nenos acompañados polos pais e, nalgún caso, de adestradores e avós, puideron fotografarse con xogadores e técnicos, xogar sobre o parqué onde tanto viron xogar aos seus ídolos, e levar a sinatura de tódolos que formaron parte deste Cafés Candelas Breogán 2016/2017.
Posters, fotos, zapatillas, camisetas, bufandas, debuxos, e mesmo a pel, serviron de lenzo para levar a modo de lembranza a firma de xogadores e técnicos.
Foi o xeito de agradecer o apoio e de dicir que seguimos en pé, e que contamos con todos para a 2017/2018.
Forza Breo!
Publicado por CLUB BALONCESTO BREOGAN SAD en Martes, 30 de mayo de 2017
Esta actividade enmárcase dentro do acordo de patrocinio da Deputación de Lugo co Breogán en favor da promoción do deporte e os seus valores.