Vitoria celeste para esquecer as últimas semanas e afrontar con optimismo o tramo decisivo que ten por diante.
O conxunto celeste saíu ao parqué oscense con gañas de amosar que non está descartado para nada nesta liga.
A intensidade en defensa, o dominio interior de Stainbrook (18 puntos e 9 rebotes), a viveza no xogo de ataque e o acerto de homes como Gilling (18 puntos), Huertas (12 puntos), Cruz (8 puntos e 7 rebotes), e a seriedade e achega do resto do equipo, foron factores que sumados converteron ao Cafés candelas nun rival demasiado grande para un Magia Huesca que loitou pero que se foi diluíndo ante a falta de acerto e a superioridade celeste.
Importante vitoria para seguir soñando e afrontar a difícil saída da vindeira sábado a Oviedo con máis confianza.
