Debido á detección de casos positivos en COVID-19 nalgún membro do equipo anfitrión (Benfica), o torneo Internacional previsto en Lisboa non se celebrará.
O Breo aproveitará a fin de semana para adestrar e continuar a posta a punto do equipo e o club traballa para pechar novos compromisos de pretempada.
Desde o CB Breogán queremos enviar unha mensaxe de ánimo e o desexo dunha pronta recuperación dos compoñentes ao equipo portugués, que xa anunciou a paralización temporal da súa actividade para controlar os casos detectados. (COMUNICADO BENFICA)
Unha mágoa non poder participar no Torneio Internacional de Lisboa previsto para esta fin de semana. Queremos enviar toda a forza aos amigos do Benfica para que pronto retomen a normalidade. Força Águias! https://t.co/DIkVyrGNyn
— Leche Río Breogán (@CBBreogan) September 17, 2020
Copa Galicia
A Copa Galicia mantense como competición en sistema de liga entre os clubs de LEB Oro para buscar ao participante na final que se xogará ante o Obradoiro polo título autonómico. Os partidos disputaranse durante a última semana de setembro (Leite Río Breogán-COB) e a principios de outubro (Leyma – Leite Río Breogán).
A final disputarase o 20 ou 21 de xaneiro, salvo que o equipo galego de LEB Oro que xogue a final de Copa Galicia se clasifíque tamén para a final da Copa Princesa, o que obrigaría a buscar data alternativa.
O Breo mantén o encontro do día 26 ante Valladolid.
Comunicaranse todos os cambios que se poidan producir.