O C.B. Breogán S.A.D. presentará a solicitude para acollerse a un ERTE
Afectará a xogadores, técnicos e empregados do Leche Río Breogán
Tras o Estado de Alarma pola crise do coronavirus decretado polo Goberno e tendo en conta a suspensión temporal da liga LEB Oro así como o peche das instalacións do Pazo dos Deportes por parte da Deputación Provincial de Lugo, o Consello de Administración da entidade acordou a solicitude dun ERTE por causa de forza maior á vista da paralización completa das súas actividades.
O C.B. Breogan S.A.D. entende que na situación actual é a mellor maneira de garantir a continuidade do Club e os seus empregados, á espera de poder retomar as súas actividades deportivas e sociais.
