Vitoria clara dos celestes no arranque de liga no Pazo
O Cafés Candelas superou con claridade ao Río Ourense nun encontro que dominou de principio a fin aínda que o COB logrou meterse no partido tras un bo inicio de terceiro cuarto tras un parcial de 8-0 que apertaba lixeiramente o marcador (52-47).
Pero o Breo volveu a amosarse máis fresco no tramo final e asinou a primeira vitoria dun novo curso baloncestístico.
Matt Stainbrook xogou finalmente aínda que poucos minutos, aínda lonxe do 100% trala lesión na man dereita.
Löfberg con 16 puntos e 4 rebotes foi o máis valorado do Cafés Candelas (17 val.). Tamén destacaron Úriz con 14 puntos e 3 asistencias, Salva Arco e Fuzaro aportaron 13 puntos cada un.
Comezo con vitoria dos celestes que agardan nova data para o partido da segunda xornada, previsto inicialmente para a vindeira fin de semana en Valladolid pero que será aprazado.