Coira, con ampla experiencia en medicina deportiva, estará no día a día do equipo e será o enlace con Hospital POLUSA
Luis Coira Nieto (Lugo ,12/06/1962) exercerá como xefe dos servizos médicos do CB Breogán no novo proxecto, encargándose no día a día da saúde do equipo e traballando de enlace con Hospital POLUSA, centro de referencia para o club.
Coira conta cunha ampla experiencia ao coidado de deportistas profesionais e exerceu de Xefe dos Servizos Médicos do CD Lugo durante varias tempadas, ademais de participar na organización de diversas probas deportivas nacionais e internacionais.
