Os amigos de Asorlu axudáronnos a que o Pazo «berrase» Forza Breo en lingua de signos.
Foi un momento especial no que o Pazo quixo derrubar barreiras e facer que o tan repetido «Forza Breo» tivese o seu berro silencioso en lingua de signos.
Un grupo de membros de ASORLU ensináronnos a facer chegar máis lonxe o noso grito de orgullo celeste, saltaron ao parqué do Pazo e guiáronos nun xesto moito máis que simbólico.
Grazas a todos os amigos da Asociación de Xordos de Lugo (ASORLU) e a todos os asistentes que durante uns segundos axudaron a que o Breo fora máis accesible que nunca.
