CB Breogán

Partidazo o desenvolto polos homes de Diego Epifanio nunha tarde na que, a pesares das inclemencias meteorolóxicas, o Pazo volveu a ter un espectacular ambiente na grada.

O equipo lucense foi superior dende os primeiros minutos e exceptuando o segundo cuarto no que o Leyma parecía querer meterse na loita polo partido, o equipo celeste foi superior en tódalas facetas para acadar vantaxes superiores aos corenta puntos e finalizar cun contundente 97-55 no electrónico.

O Pazo foi unha festa na que non faltou a solidariedade, con diversas iniciativas en marcha, o amor durante o descanso, na que unha parella se prometeu amor eterno ante os máis de 3100 espectadores, e mesmo houbo tempo para que tralo partido os máis pequenos compartirán uns minutos sobre a pista cos xogadores e Máxiumus.

Un día completo para a ledicia celeste que merecía unha tarde así. Un paso máis para o Breo que agarda agora polo segundo derbi consecutivo. Será o vindeiro sábado 28 ás 19:15 horas no Pazo ante o Club Ourense Baloncesto.