O Leite Río derrota ao Valladolid no primeiro compromiso de pretempada (78-64)
O equipo celeste superou a falta de acerto nos minutos iniciais e acabou dominando o partido
Nun Pazo sen público debido ás restricións de aforo, o equipo de Diego Epifanio amosou algunhas pinceladas do que pode amosar o equipo na nova tempada. A fortaleza interior e a entrega en defensa en moitos minutos foi clave para merecer a vitoria no primeiro encontro de preparación.
Seydou Aboubacar foi o home máis valorado do partido (20v.) e rematou con 13 puntos, 7 rebotes e 6 faltas recibidas.
