CB Breogán

O Leite Río Breogán sumou a cuarta vitoria consecutiva ante un duro Melilla Baloncesto ao que superou con claridade na primeira metade (29-16 e 27-24 nos dous primeiros cuartos) e ao que foi quen de manter o pulso cando os visitantes axustaron o marcador cara os instantes finais froito do acerto de homes cmo Matulionis ou Sidibe.

O bo partido de Ahonen (18 puntos e 6 asistencias), Salva Arco (17 puntos) Alex Olah (12 puntos e 4 rebotes) , Fall (11 puntos e 4 rebotes) e o traballo de todo o equipo nos momentos de reacción do Melilla, co apoio do Pazo, levaron ao equipo celeste a unha importante vitoria a pesar das coñecidas baixas de Peña, Nogués e de Thaey.

O novo xogador celeste, Marshawn Powell, viu dende a grada o partido dos seus novos compañeiros.

O Leite Río suma a sua oitava vitoria e pensa xa nun final de ano no que agardan unha complicada saída a Palma e dous derbis no Pazo ante Leyma Coruña e COB.