O medio século de Breo recibe mención especial na presentación da LEB Oro
Presentación da competición na sede da FEB con presenza dos 18 clubs que iniciarán unha emocionante liga esta mesma semana. O medio século de historia celeste non pasou desapercibido.
No acto estivo representado o CB Breogán da man do presidente, Jesús Lázare, e o secretario técnico Juan Carlos Castro.
Foi nun momento do acto de presentación cando o presidente da FEB, Jorge Garbajosa, fixo unha mención especial ao CB Breogán polo seu 50 aniversario, unha cita importante que simboliza moito para o Breogán e para todo o baloncesto nacional.
Na cerimonia presentouse, entre outras cousas, a nova plataforma d televisiva das ligas LEB: canalFEBtv.com que busca dar maior visibilidade ás competicións co esforzo conxunto de clubes, competicións e Federación.