O pivote de 21 anos e 2,06m, internacional con Italia, procede do Reggio Emilia co que participou en BCL
O Río Breogán chegou a un acordo para que o pivote de orixe senegalesa e pasaporte italiano, Mouhamet Diouf, vista a camiseta celeste a próxima tempada.
Diouf (Dakar, Senegal, 10 de setembro de 2001) é un xogador novo e de gran proxección, con capacidade atlética, bos movementos e que pode axudar tanto no rebote como na anotación
A pasada tempada, Mouhamet Diouf, promediou 6 puntos, e 3,2 rebotes na liga italiana en 14 minutos de media na cancha.
Diouf forma parte da selección italiana que se atopa de xira de preparación en España durante esta semana. Nos dous partidos disputados ante a selección española U22, o novo xogador do Río Breogán destacou na selección de Italia con 21 puntos e 9 rebotes e 14 puntos e 6 rebotes.
